साळवे इंग्रजी विद्यालयात दहावी आणि बारावीच्या विद्यार्थ्यांना निरोप

  

       विद्यार्थ्यांनी अभ्यासाबरोबरच जिद्द चिकाटी आणि कौशल्याने आपला स्व-विकास साधावा- डॉक्टर पवन भवटे 

     साळवे इंग्रजी विद्यालय साळवे येथे आज इयत्ता दहावी व बारावीच्या विद्यार्थ्यांना अतिशय उत्साहाने निरोप देण्यात आला. प्रमुख अतिथी म्हणून प्राथमिक आरोग्य केंद्राचे मेडिकल ऑफिसर डॉ पवन भवटे यांनी विद्यार्थ्यांना मार्गदर्शन केले. ग्राम सुधारणा मंडळाचे खजिनदार डॉ चंद्रकांत नारखेडे व सदस्य लीलाधर ब-हाटे उपस्थित होते. अनेक विद्यार्थ्यांनी शाळेविषयी व शिक्षकांविषयी सहा ते आठ वर्षाचा विविध अनुभव, घडामोडी व ज्ञानसाधना याबाबतीत मते व्यक्त केली.

मुख्याध्यापक ए एस पाटील यांनी सुद्धा विद्यार्थ्यांना आशीर्वाद व शुभेच्छा दिल्या. ज्येष्ठ शिक्षक जी व्ही नारखेडे यांनी विद्यार्थ्यांना मार्गदर्शन केले व रंजना मॅडम यांनीही विद्यार्थ्यांना भावी आयुष्यासाठी शुभेच्छा दिल्या व मार्गदर्शन केले. कार्यक्रमाचे सूत्रसंचलन व प्रास्ताविक दहावीच्या विद्यार्थ्यांथींनी खुशबू पाटील व जागृती ढाके यांनी केले. कार्यक्रम अतिशय उत्कृष्टपणे साजरा करण्यात आला