वडाळी दिगर शाळेत माता पालक गटाची सभा उत्साहात संपन्न

जामनेर: तालुक्यातील जिल्हा परिषद प्राथमिक शाळा वडाळी दिगर येथे माता पालक गटाची सभा उत्साहात संपन्न झाली. यावेळी सभेच्या अध्यक्षस्थानी शाळेचे मुख्याध्यापक संदिप पाटील हे होते.या सभेत मुख्याध्यापक यांनी सभेचे प्रास्ताविक केले तसेच या प्रत्येक माता पालक गटातील लीडर मातांची भूमिका यावर उद्बोधन केले. निपुण भारत मिशन पायाभूत साक्षरता व संख्याज्ञान च्या प्रभावी अंमलबजावणी साठी माता पालक गटाची भूमिका,माता पालक गटाचे महत्त्व विषद केले, विविध गटात कशाप्रकारे कार्य करावे याविषयी माहिती दिली. सभेच्या समारोप प्रसंगी सर्व माता पालकांचे शंका समाधान निरसन करून समारोप करण्यात आला. सभेप्रसंगी सर्व लीडर माता व माता पालक गटातील सर्व मातांची उपस्थिती लाभली.