स्व.श्री.मधुसूदन सुरजमल मुंदडा विद्यालयात आधार बहुउद्देशीय संस्था, व विप्रो कंपनी यांच्या संयुक्त विद्यमाने नेत्र तपासणी उपक्रम संपन्न

अमळनेर- आज दिनांक 13/10/2023 रोजी स्व.श्री मधुसूदन सुरजमल मुंदडा माध्यमिक विद्यालय अमळनेर शाळेत आधार बहुउद्देशीय संस्था व विप्रो कंपनीच्या विद्यमानाने आठवी ते दहावीच्या विद्यार्थ्यांची नुकतीच नेत्र तपासणी करण्यात आली. त्यासाठी अभिनव भाऊ मुंदडा यांचे सहकार्य लाभले. त्यांना प्रकल्प समन्वयक म्हणून निशिगंधा पाटील, दीपक विश्वेश्वर, अनुजा पाटील यांनी सहकार्य केले. संचालिका रेणू प्रसाद, वेल फेअर ऑफिसर सुधीर बडगुजर, अध्यक्षा भारती पाटील, अश्विनी भदाणे यांच्या प्रेरणेने घेण्यात आला. नेत्र तपासणी साठी आलेले अभिनव भाऊ मुंदडा यांनी डोळ्यांचे आरोग्य आपण कशा पद्धतीने सुदृढ ठेवले पाहिजे. यासाठी वाचन, लेखन, मनन करतांना डोळ्यांवर येणारे ताणतणाव कसे नष्ट केले जातील याविषयी सविस्तर मार्गदर्शन केले. नेत्र तपासणीत ज्या विद्यार्थ्यांमध्ये दृष्टीदोष आढळून आलेत. अशांना मोफत चष्मा वाटप करण्यात येणार असल्याचे अभिनव भाऊ मुंदडा यांनी सांगितले. सदर कार्यक्रमासाठी सर्वच शिक्षक व शिक्षकेतर कर्मचारी यांचे सहकार्य लाभले.