अमळनेर: श्री एन.टी. मुंदडा माध्यमिक व उच्च माध्यमिक विद्यालय,अमळनेर येथील उपशिक्षिका श्रीमती. संगिता बाविस्कर यांचे धुळे येथील नैसर्गिक मानवधिकार सुरक्षा परिषद फोरम तर्फे राज्यस्तरीय आदर्श शिक्षिका पुरस्कार देऊन सन्मान करण्यात आला आहे. अमळनेर येथील श्री एन.टी. मुंदडा माध्यमिक व उच्च माध्यमिक विद्यालय, अमळनेर शाळेत नाविन्यपूर्ण उपक्रम, कोरोना काळात केलेली शैक्षणिक सेवा व विविध उपक्रमात कायम विद्यार्थ्यांना अनमोल असे मार्गदर्शन करणारे श्रीमती संगिता बाविस्कर यांच्या कार्याची दखल घेत धुळे येथील नैसर्गिक मानवधिकार सुरक्षा परिषद फोरमने त्यांचा आदर्श शिक्षिका पुरस्कार जाहीर करून त्यांचा सन्मान केला आहे. दिनांक १ऑक्टोबर रोजी धुळे येथील अजय लॉन्स, धुळे नगाव येथे पुरस्काराचे वितरण नैसर्गिक मानवधिकार सुरक्षा फोरमचे राष्ट्रीय अध्यक्ष गोरख देवरे व उत्तर महाराष्ट्र अध्यक्ष प्रफुल सिताराम पाटील यांच्या शुभहस्ते या पुरस्काराचे वितरण झाले. उपशिक्षिका श्रीमती संगिता बाविस्कर यांना आदर्श शिक्षिका पुरस्कार मिळाल्याबद्दल मुख्याध्यापक व शिक्षक वृंद यांनी त्यांचे अभिनंदन केले आहे तसेच सर्व स्तरातून त्यांच्यावर अभिनंदनाचा वर्षाव होत आहे.
0 टिप्पण्या