ब्रह्मदत्त विद्यालय मानसिक दिव्यांग मुला मुलींचे प्राधिकरण, निगडी,पुणे या शाळेतील विद्यार्थ्यांना तंत्रशिक्षिका कवयित्री लेखिका कोठेकर योगिता यांच्या हस्ते शालेय साहित्य वाटप

पुणे: झीलकांता इंटरनॅशनल सोशल फाउंडेशन व श्री.विनोद यादव, श्री.राजेंद्र सगर अध्यक्ष काव्य मित्र संस्था, प्रसिद्ध कवयित्री श्रीमती योगिता कोठेकर यांच्या हस्ते विद्यार्थ्यांना शालेय साहित्य वाटप करण्यात आले. शाळेतील विद्यार्थ्यांच्या हस्ते उपस्थितांचे स्वागत करण्यात आले, विद्यार्थ्यांनी स्वागत गीत सादर केले, शैक्षणिक वर्षाची सुरुवात असल्याने पाहुण्यांनी औक्षण करून गुलाबाच्या पाकळ्यांचा वर्षाव करून सर्व विद्यार्थ्यांचे स्वागत केले कार्यक्रमाच्याआयोजिका प्रमिला तलवाडकर अध्यक्ष झिलकांत फाऊंडेशन यांच्या सवे उपक्रमशील तंत्रशिक्षिका कवयित्री लेखिका श्रीम कोठेकर योगिता यांनी विद्यार्थ्यांना शालेय साहित्याचे वाटप केले मानसिक व्यंग जरी या विद्यार्थ्यात असले तरी कोणत्याही क्षेत्रात कमी नसणारे असे हे सर्व विद्यार्थी खरचं कौतुकास पात्र आहेत. प्रत्येक संधीचे कसे सोने करावे हे या विद्यालयाच्या प्रत्येक व्यक्तीला व विद्यार्थ्यांना अवगत आहे असे मत कोठेकर योगिता यांनी प्रगट केले.
शैक्षणिक साहित्यासाठी श्री.सुभाष सांकल उद्योजक यांनी देखील सहकार्य केले. शाळेतील कर्मचारी श्रीम मालन तिडके, श्रीम सविता रोडे, दिपाली हराळे यांनी कार्यक्रम नियोजन केले. तसेच विद्यालयाचे मुख्या श्री. रवींद्र जोशी यांनी शाळेतील विविध उपक्रमा विषयी माहिती देऊन उपस्थित पाहुण्यांचे आभार मानले. शैक्षणिक साहित्य भेट मिळाल्याने सर्व विद्याथ्यांचा आनंद ओसंडून वहात होता.