अमळनेर: आज दिनांक 6 मे 2023 रोजी लोकमान्य शिक्षण मंडळ संचलित लोकमान्य विद्यालय येथे छत्रपती राजर्षी शाहू महाराज यांची पुण्यतिथी उत्साहात साजरी करण्यात आली. यावेळी छत्रपती राजर्षी शाहू महाराज यांच्या प्रतिमेचे पूजन करण्यात आले. मंचावर विद्यालयाचे मुख्याध्यापक रविंद्र लष्करे जेष्ठ शिक्षक मनोहर महाजन, जितेंद्र चौधरी तसेच ज्येष्ठ शिक्षिका मनिषा खांजोडकर उपस्थित होते. या कार्यक्रमाचे सूत्रसंचालन सायली देशपांडे यांनी, प्रास्ताविक मधुकर सोनार यांनी केले. कार्यक्रमाचे अध्यक्ष रविंद्र लष्करे यांनी आपल्या अध्यक्षीय भाषणातून छत्रपती राजर्षी शाहू महाराज यांच्या कार्याची माहिती दिली व मार्गदर्शन केले. कार्यक्रमाचे प्रमुख पाहुणे मनोहर महाजन यांनी छत्रपती राजर्षी शाहू महाराज यांच्या जीवनावर प्रकाश टाकला आणि त्यांनी समाजासाठी दिलेल्या योगदान बाबत माहिती दिली.
कार्यक्रमाचे आभार सायली देशपांडे यांनी केले. तद्नंतर सर्व शिक्षक शिक्षकेत्तर कर्मचाऱ्यांनी प्रतिमेचे पूजन करून अभिवादन केले.
0 टिप्पण्या