युवा कल्याण प्रतिष्ठान संचलित छत्रपती शिवजयंती पंधरवाडा उत्साहात संपन्न!

अमळनेर: युवा कल्याण प्रतिष्ठान अमळनेर संस्था एक बहुउद्देशीय संस्था आहे. आज पर्यंत अनेक समाजपयोगी उपक्रम ही संस्था करित आलेली आहे. समाज पुरोगामी, विवेकी, चिकित्सक कसा होईल याकडे संस्थेचे काम चालू आहे. आता त्यांनी शिवजयंती निमित्त अमळनेर तालुक्यात 75 वक्ते तयार करुन शिवजयंती साजरी करित आहे. आज शारदा माध्यमिक विद्यालय येथे शिवजयंती साजरी करण्यासाठी वक्ते शिवश्री बापुराव ठाकरे, शिवश्री अजय भामरे यांच्या व्याख्यानाने शिवजयंती साजरी झाली. कार्यक्रमाच्या सुरुवातीला राजे शिवाजी यांच्या प्रतिमेचे पूजन मान्यवरांच्या हस्ते करण्यात आले. कार्यक्रमाच्या अध्यक्षा सौ के.जे.सिसोदिया होत्या. आलेल्या वक्त्यांचा सत्कार करण्यात आला. त्यानंतर कार्यक्रमाचे  प्रास्ताविक सोपान भवरे यांनी केले. गौरव न्हावी, स्वाती कोळी, यांची भाषणे झाली. प्रमुख वक्ते शिवश्री बापुराव ठाकरे यांनी शिवराय यांच्या जीवनावर सखोल मार्गदर्शन केले. लेखनमंच संपादक अजय भामरे यांनी शिवबावर गीते म्हटली व प्रबोधन केले. कार्यक्रमाचे सूत्रसंचालन आर.जी. राठोड तर आभारप्रदर्शन विकास महाजन यांनी केले.