वडिलांच्या स्मरणार्थ शाळेला ११ हजारांची पुस्तके भेट!

अमळनेर: दादाचा श्री विजयजी भदाणे यांनी आपल्या वडिलांच्या स्मरणार्थ जि प प्राथमिक शाळा मारवड शाळेस  अकरा हजार रुपयांची ५०० पुस्तके भेट दिली. कै. श्री दिनकरराव भदाणे माजी  सभापती पंचायत समिती अंमळनेर यांच्या स्मरणार्थ जि .प. प्राथमिक शाळा मारवड येथील विद्यार्थ्यांना वाचनाची सवय व्हावी , अवांतर वाचनाची गोडी निर्माण व्हावी या उदात्त हेतूने विद्यार्थ्यांना बालकथा ,गोष्टी, चित्ररूप गोष्टी , राष्ट्रीय थोरपुरुष,नेते ,इतिहासकालीन गोष्टी, ईसापनीती आणि वैज्ञानिक दृष्टिकोन निर्माण करणारी पुस्तके,इतर लहान कथा इंग्रजी व मराठी भाषेत पुस्तके दिली.