लोकमान्य विद्यालय मराठी राजभाषा गौरव दिवस उत्साहात साजरा!

अमळनेर: लोकमान्य शिक्षण मंडळ संचलित लोकमान्य विद्यालय येथे मराठी राजभाषा गौरव दिन अखिल भारतीय साहित्य परिषद अमळनेर व लोकमान्य विद्यालय अमळनेर यांच्या संयुक्त विद्यमाने उत्साहात साजरा केला गेला. यावेळी मराठी राजभाषा गौरव दिनानिमित्त काव्यवाचन स्पर्धेचे आयोजन करण्यात आले होते. या कार्यक्रमाचे अध्यक्ष लोकमान्य विद्यालयाचे मुख्याध्यापक रविंद्र लष्करे तर प्रमुख पाहुणे म्हणून साहित्य परिषदेचे अध्यक्ष प्राचार्य एन.के.कुलकर्णी व लोकमान्य विद्यालयाचे ज्येष्ठ शिक्षक जितेंद्र चौधरी मंचावर विराजमान होते. या कार्यक्रमात द्रौ.रा कन्या आणि लोकमान्य शाळेच्या विद्यार्थ्यांनी काव्यवाचन सादर केले. या स्पर्धेला परीक्षक म्हणून द्रौ.रा कन्या शाळेच्या शिक्षिका प्रज्ञा जोशी, न्यू व्हिजन इंग्लिश स्कूलच्या शिक्षिका स्नेहा एकतारे व लोकमान्य विद्यालयाचे शिक्षक विजय सूर्यवंशी यांनी काम पाहिले. या कार्यक्रमाचे प्रास्ताविक दिपक खोंडे यांनी केले तर सूत्रसंचालन व आभार विजय सूर्यवंशी यांनी केले.