सौ.सु.ग.देवकर येथे मराठी भाषा गौरव दिन साजरा!

जळगाव शहर: येथील शिक्षण प्रसारक मंडळाच्या सौ.सु.ग.देवकर प्रायमरी स्कूल येथे ज्येष्ठ कवी वि. वा. शिरवाडकर उर्फ कुसुमाग्रज यांचा जन्मदिवस "मराठी भाषा गौरव दिवस" म्हणून साजरा केला गेला. सदर कार्यक्रमाच्या प्रसंगी शाळेचे मुख्याध्यापक प्रशांत गजानन साखरे यांनी विदयार्थ्यांना मराठी भाषा समृद्धी विषयी व तिचा आजतागायत झालेला विकास व प्रसार या संबंधी सखोल माहिती सांगितली.

या कार्यक्रमास शाळेच्या ज्येष्ठ शिक्षिका सुषमा साळुंखे , सुनिता चौधरी, जितेंद्र वानखेडे, किशोर सोनवणे, संजय पाटील यांची प्रमुख उपस्थिती लाभली. या कार्यक्रमाचे सूत्रसंचालन योगेश वंजारी यांनी केले तर आभार प्रदर्शन सागर पाटील यांनी केले.