लोकमान्य विद्यालयात दहावीच्या विद्यार्थ्यांना निरोप!

अमळनेर: दि.17 फेब्रुवारी 2023 रोजी लोकमान्य शिक्षण मंडळ संचलित लोकमान्य विद्यालयात दहावीच्या विद्यार्थ्यांच्या निरोप समारंभ उत्साहात संपन्न झाला. यावेळी दहावीच्या नुतन महाजन, प्रज्ञा सोनार, शरयू जोशी, सुमित महाजन, वैष्णवी महाजन या विद्यार्थ्यांनी आपले मनोगत व्यक्त केले. त्यानंतर लोकमान्य विद्यालयाचे जेष्ठ शिक्षिका मनिषा खांजोडकर, जेष्ठ शिक्षक जितेंद्र चौधरी यांनी आपले मनोगत व्यक्त केले. तद्नंतर कार्यक्रमाचे अध्यक्ष आणि विद्यालयाचे मुख्याध्यापक रविंद्र लष्करे यांनी आपल्या मनोगतात विद्यार्थ्यांना परीक्षेविषयी नवीन नियमावलीची माहिती दिली व उत्तरपत्रिकेविषयी सोप्या भाषेत मार्गदर्शक केले.

यावेळी मंचावर मुख्याध्यापक रविंद्र लष्करे, जेष्ठ शिक्षक मनोहर महाजन, मनिषा खांजोडकर, आणि जितेंद्र चौधरी विराजमान होते. कार्यक्रमाचे सूत्रसंचालन विद्यालयाचे शिक्षिका सायली देशपांडे यांनी केले. तर आभार माधुरी सोनार मॅडम यांनी केले.