पारोळा: एच पी पाटील माध्यमिक विद्यालय अंबापिंप्री येथे शिव जयंती उत्साहात साजरी करण्यात आली. यावेळी शाळेतील विद्यार्थी चि.नयन याने शिवाजी महाराजांची वेशभुषा साकारली तसेच कु. कावेरी माळी हिने राजमाता जिजाऊ यांची भूमिका साकारली. नयन व कावेरी या दोन विद्यार्थ्यांनी एकपात्री नाटिका सादर केली. तसेच इयत्ता आठवीच्या विद्यार्थीनीने झुलवा पाळणा पाळणा बाळ शिवाजीचा या गाण्यावर नृत्य सादर केले. तसेच विद्यार्थी, शिक्षक व मुख्याध्यापक यांनी आपले मनोगत सादर केले. कार्यक्रमाची सांगता जय जय महाराष्ट्र माझा या गीताने झाली.
कार्यक्रमाच्या यशस्वीतेसाठी शाळेचे मुख्याध्यापक डि.सी.पाटील, शिक्षक किरण कचवे, सी.एच.माळी, एच.आर.लोहार, आकाश पाटील शिक्षकेत्तर कर्मचारी संजय पाटील व राहुल लांडगे यांनी सहकार्य केले.
0 टिप्पण्या