चौबारी येथे सैनिक स्वनिल गंजीधर शिरसाठ यांच्या सेवानिवृत्तीनिमित्त सत्कार समारंभ!

 अमळनेर: भारतीय सैन्य दलात तब्बल 20 वर्षे सेवा बजावून सेवेतून निवृत्त होत असलेले स्वनिल गंजीधर शिरसाठ या देशसेवकाचा सेवापूर्ती सन्मान सोहळा तालुक्यातील चौबारी येथे संपन्न होत आहे. उद्या 1 डिसेंबर रोजी ग्रामदैवतापासून मिरवणूक सुरू होणार असून प्लॉट, नवेगाव, जुनेगाव मार्गे सत्कार सोहळ्याच्या ठिकाणी पोहचणार आहे. देशभक्तीपर गीतांच्या गजरात ढोल ताशे, लेझीम घोषणा देत या जवानाचे स्वागत व सेवापुर्ती निमित्ताने सत्कार करण्यात येणार आहे. या सोहळ्यास पंचक्रोशीतील मान्यवर उपस्थित राहणार असून उद्या दि.१ डिसेंबर २०२२ गुरुवार रोजी चौबारी ता.अमळनेर जि.जळगांव येथे चौबारी गावाचे सुपुत्र स्वप्निल गंजीधर शिरसाठ यांचा सेवापुर्ती सन्मान सोहळा सकाळी ८ वाजेला संपन्न होणार आहे. गावातील तरुण सैनिक, युवक, पोलिस, वनरक्षक, एस.आर.पी. व सरंक्षण विभागात सेवेत असलेल्या देशभक्तांनी बंधुस्नेह आणि गावप्रेमातुन  आयोजित केलेल्या या सोहळ्याला सर्वांनी उपस्थिती द्यावी असे आवाहन करण्यात आले आहे.

या कार्यक्रमासाठी सैनिक रक्षक गृप चौबारी, खान्देश रक्षक आजी माजी सैनिक गृप, शिक्षक वृंद व इतर कर्मचारी चौबारी, ग्रामपंचायत चौबारी, ग्रामविकास सोसायटी चौबारी, सोनवणे परिवार चौबारी, राजे मित्र परिवार चौबारी, मातोश्री मित्र परिवार न्यू प्लॉट चौबारी, ग्रामविकास मंच एव अभ्यासिका चौबारी, बाबासाहेब दे.ना.माध्यमिक विद्यालय समस्त शिक्षक वृंद व इतर कर्मचारी चौबारी, जिल्हा परिषद प्राथमिक शाळा समस्त शिक्षक वृंद व इतर कर्मचारी चौबारी, पाणी फाऊंडेशन गृप चौबारी, समस्त ग्रामस्थ मंडळी चौबारी, अमळनेर तालुका माजी सैनिक परिवार, खानदेश रक्षक सपोर्टर ग्रुप, फाईट ग्रुप आदी परिश्रम घेत आहेत. या वीर जवानाला सेवापूर्तीच्या नवेपर्व न्यूज परिवाराकडून मनपूर्वक हार्दिक शुभेच्छा...