माजी उपप्राचार्य प्रा . डॉ . एस ओ माळी व प्रतापियन्स परिवारातर्फे स्व . निळकंठ ओंकार माळी यांच्या स्मरणार्थ ' तालुकास्तरीय भव्य सामान्य ज्ञान स्पर्धा परीक्षा ' घेण्यात येणार आहे!

अमळनेर प्रतिनीधी: अमळनेर  येथील प्रताप महाविद्यालयाचे माजी उपप्राचार्य प्रा . डॉ . एस ओ माळी व प्रतापियन्स परिवारातर्फे स्व . निळकंठ ओंकार माळी यांच्या स्मरणार्थ ' तालुकास्तरीय भव्य सामान्य ज्ञान स्पर्धा परीक्षा ' घेण्यात येणार आहे . दहावी ते पदव्युत्तर वर्ग व स्पर्धा तयारी परीक्षेची करणाऱ्या विद्यार्थ्यांसाठी ही परीक्षा मंगळवारी ८ नोव्हेंबरला सकाळी ९ .३० वाजता येथील जी . एस . हायस्कुल मध्ये होणार आहे . या परीक्षेत प्रथम बक्षीस एक हजार रुपये , द्वितीय बक्षीस ७५० रुपये , तृतीय बक्षीस ५०० रुपये , उत्तेजनार्थ बक्षीस २५० रुपयांची दोन बक्षिसे आहेत . या परीक्षेसाठी कोणतीही प्रवेश शुल्क नसून शनिवारी ५ नोव्हेंबर पर्यंत प्रा डॉ एस ओ माळी ,  प्रा जयेश महाजन , गिरीष माळी , दिलीप शिरसाठ यांच्याकडे अथवा ऑनलाईन नावनोंदणी करावी , असे आवाहन प्रतापियन्स परिवारातर्फे करण्यात आले आहे . 

        अशी असेल परीक्षा ही परीक्षा सामान्य ज्ञानावर आधारित असून मराठी माध्यमात राहणार आहे . यात १०० प्रश्न हे १०० गुणासाठी विचारले जाणार आहेत . ही परीक्षा दहावी पर्यंतच्या अभ्यासक्रमावर आधारित असून इतिहास , भूगोल , मराठी , इंग्रजी , अर्थशास्त्र , राज्यशास्त्र , विज्ञान , चालू घडामोडी इत्यादी विषयांवर प्रश्न विचारले जाणार आहेत . प्रश्नपत्रिकेत बहुपयार्यी वस्तुनिष्ठ स्वरूपाचे प्रश्न विचारले जाणार आहेत .