अंकुर सीड्सतर्फे विद्यार्थ्यांना मोफत वह्या वाटप!

अमळनेर प्रतिनिधी: अंकुर सीड्स (विश्वासाचे प्रतिक)प्रा लि या कृषी सीड्स कंपनीकडून  आपले बियाणे विक्री सोबतच सामाजिक बांधिलकी जपत शैक्षणिक क्षेत्रात  ग्रामीण भागातील विद्यार्थ्यांना वह्या वाटपाचा एक चांगला उपक्रम हाती घेण्यात आला. यात अंकुर सीड्स चे प्रतिनिधी श्री जितेंद्र बाविस्कर यांच्या हस्ते जि प केंद्रशाळा वावडे ता अमळनेर येथे शालेय विद्यार्थ्यांना वह्या वाटप करण्यात आल्यात. यावेळी सर्व मुलांच्या चेहर्‍यावरील आनंद दिसून येत होता. याप्रसंगी शाळा व्यवस्थापन समिती वावडे चे अध्यक्ष श्री दिनेश माळी, उपाध्यक्ष श्रीम रंजना वानखेडे, शिक्षण प्रेमी श्री चंद्रकांत पाटील, सदस्य श्री पंकज पाटील, पालक श्री शांताराम ठाकरे, सौ मंगलाताई वानखेडे तसेच मुख्याध्यापक श्रीम उर्मिला पाटील, शिक्षिका श्रीम सुनिता पाटील, श्रीम संगिता सोनार, श्रीम संघमित्रा साळवे, श्रीम पाकीजा पिंजारी उपस्थित होते. कार्यक्रमाची प्रस्तावना श्रीम पाकीजा पिंजारी यांनी केली तर आभारप्रदर्शन श्रीम सुनिता पाटील यांनी केले.