सौ. सु.ग. देवकर प्रायमरी स्कूल मध्ये छत्रपती शिवाजी महाराज यांची जयंती साजरी

 

(प्रतिनिधी) शिप्र मंडळ संचलित सौ. सु.ग. देवकर प्रायमरी स्कूल व शिशु विकास मंदीर यांचे संयुक्त विद्यमाने छत्रपती शिवाजी महाराज यांची जयंती मोठ्या उत्साहात साजरी करण्यात आली. "जय भवानी, जय शिवाजी " असा दणदणीत जयघोष करत शाळेच्या आवारात शिवाजी महाराज यांची मिरवणूक काढली. विद्यार्थ्यांनी शिवाजी महाराज, जिजाबाई, मावळे, बाजीप्रभू या वेशभुषा साकारल्या. शिवाजी महाराजांचे गुरु रामदास स्वामी यांच्या वेशभुषा देेखील साकारल्या.राजमाता जिजाऊ यांनी  लहानपणी दिलेली शिकवण, दादाजी कोंडदेव, मावळे, शिवाजी महाराजांचे बाललिला सजीव देखावा साकारण्यात आला. शाळेच्या मुख्याध्यापिका सौ. साधना महाजन यांचे हस्ते प्रतिमापूजन करण्यात आले. शिशु विकास मंदिराच्या मुख्याध्यापिका सौ. वृषाली दलाल व सौ भाग्यश्री राव यांनी शिवाजी महाराजांच्या जीवनकार्याची माहिती सांगितली. आभार सौ. वैशाली जगताप यांनी मानले.