सानेनगर भागात विविध विकास कामांचे उद्घाटन, लोकार्पण व खान्देश भूषण पुरस्कार मानकरी प्रवीण पाटील सर यांचा सत्कार सोहळा
अमळनेर: काल दि.19 नोव्हेंबर 2021 रोजी सानेनगर प्रभाग क्रमांक 2 या ठिकाणी विविध विकास कामांचे उद्घाटन तसेच लोकार्पण समारंभ पार पडला. कार्यक्रमाच्या अध्यक्षस्थानी माजी आमदार कृषीभूषण दादासाहेब श्री.साहेबराव धोंडू पाटील होते. तर आपले अमळनेर विधानसभा मतदार संघाचे आमदार माननीय दादासो.श्री.अनिल भाईदास पाटील यांचे हस्ते उदघाटन समारंभ पार पडला.
पूज्य साने गुरूजी व्यायाम शाळा या ठिकाणी आधुनिक व्यायाम साहित्य जिमखाना याचे लोकार्पण समारंभ मोठ्या उत्साहात विविध मान्यवरांच्या उपस्थितीत पार पडला तद्नंतर साने नगर भागातील विविध रस्त्यांचे भूमिपूजन ही माननीय आमदार व दादांनी पार पाडले अध्यक्षीय भाषणात दादांनी सर्व तरुणांना व गावकऱ्यांना शुभेच्छा दिल्यात तदनंतर व्यायाम शाळेचे तरुणांनी माननीय आमदार व माननीय माजी आमदार दादा यांचे सामूहिक सत्कार केला व माननीय आमदार अनिल भाईदास पाटील यांनी आपले मनोगत व्यक्त केले.सानेनगर प्रभाग क्र. 2 मध्ये पूज्य सानेगुरुजी व्यायाम शाळा जिमखाना लोकार्पण प्रसंगी जि.प.शाळा पिंगळवाडे येथील पदवीधर शिक्षक श्री.प्रविण राजधर पाटील सर यांना त्यांच्या शैक्षणिक क्षेत्रातील उत्तम कामगिरी व गरजू होतकरू विद्यार्थ्यांना स्पर्धा परिक्षासाठी मोफत क्लासेस चे योगदान तसेच आपल्या भागात लायब्ररीचे बिज रोपण अश्याच बरेच कार्याचा गौरव म्हणुन खान्देश भूषण पुरस्कार जाहीर झाला असल्याने त्यांचा सत्कार आमदार दादासो.अनिल भाईदास पाटील यांचे हस्ते करण्यात आला. प्रसंगी कार्यक्रमाचे अध्यक्ष माजी आमदार कृषीभुषण दादासाहेब साहेबराव धोंडू पाटील, सोबत मान्यवर व सानेनगर भागातील नागरीक बंधू उपस्थित होते.
कार्यक्रमाचे आयोजन प्रभागाचे नगरसेवक संतोष (भुराभाऊ) पाटील यांनी केले होते तर सूत्रसंचालन प्रविण पा. सर करंदीकर यांनी केले. आणि आभार प्रदर्शन सदाशिवबापू पाटील यांनी केले.
0 टिप्पण्या