जि.प.पिंगळवाडे शाळेला दिवाळीची पुस्तकरुपी भेट
दि. १७ नोव्हेंबर २०२१ रोजी मिल के चलो असोसिएशन अमळनेर आणि समकालिन प्रकाशन पुणे यांच्या संयुक्त विद्यमाने जिल्हा परिषद उच्च प्राथ.शाळा पिंगळवाडे येथील "पूज्य साने गुरुजी" वाचनालयासाठी १५ दर्जेदार पुस्तकांचा संच भेट म्हणून देण्यात आला. पिंगळवाडे येथील शिक्षकवृंदातर्फे मुलांच्या सर्वांगीण विकासासाठी सुरु असणाऱ्या कार्यास हातभार लागावा म्हणून पुस्तकरुपी भेट संस्थेमार्फत शाळेपर्यंत पोहोचवण्यात आली. मिल के चलो असोशिएशन अमळनेर संस्थेच्या कार्याची ओळख करुन कार्यक्रमाचे प्रास्ताविक शाळेचे मुख्याध्यापक श्री.दत्तात्रय सोनवणे सर यांनी केले. शाळेतील उपशिक्षिका श्रीम.वंदना सोनवणे यांनी विद्यार्थीनींच्या मदतीने शाळेत उपलब्ध पानाफुलांचे "नॅचरल बुके" तयार करुन पाहुण्यांचे अनोखे स्वागत केले. अवांतर पुस्तक वाचन आपल्या बुद्धीविकासासाठी किती आवश्यक आहे याचे महत्व मिल के चलो चे संस्थापक श्री.अनिरुद्ध पाटील आणि त्यांचे सहकारी श्री.प्रा.विनायक पाटील यांनी सोप्या शब्दात मुलांना पटवून दिले. श्री.अनिरुध्द पाटील व श्री.विनायक पाटील यांनी आपल्या मार्गदर्शनपर भाषणात विचारलेल्या प्रश्नांची शाळेतील विद्यार्थ्यांनी तत्परतेने व समर्पक उत्तरे दिल्याने उभयतांनी विद्यार्थ्यांचे व शाळेत विविध उपक्रम राबवून विद्यार्थ्यांचा सर्वागिण विकास घडविणाऱ्या शिक्षकवृंदाचे भरभरून कौतुक केले. कार्यक्रमाचे सुत्रसंचालन शाळेतील उपशिक्षक श्री.रविंद्र पाटील व आभारप्रदर्शन शाळेचे पदवीधर शिक्षक श्री.प्रविण पाटील यांनी केले.
कार्यक्रमास शाळेला नेहमीच मदतीसाठी तत्पर असणारे शिक्षणप्रेमी पालक श्री.रविंद्र देशमुख व विद्यार्थी उपस्थित होते. पुस्तकांचा गठ्ठा उघडल्यानंतर मुलांना नविन पुस्तक पाहण्याचा व वाचनाचा मोह आवरता आला नाही म्हणून पुस्तकांसोबत सर्वांनी फोटो काढून आनंद व्यक्त केला. सर्व विद्यार्थ्यांनी महिनाभरात सर्व पुस्तके वाचून नियमितपणे पुस्तक वाचनाचा संकल्प बोलून दाखवाला.
0 टिप्पण्या