Vivo चे हे दोन भन्नाट स्मार्टफोन बाजारात!
Vivo X70 सिरीज भारतात अधिकृतपणे लाँच झाली. याअंतर्गत X70 Pro आणि X70 Pro+ हे दोन स्मार्टफोन भारतात लॉन्च करण्यात आले. Vivo X70 सिरीजसाठी कंपनीने Zeiss सोबत भागीदारी केली आहे. म्हणजे, आता फोनच्या सर्व कॅमेरा लेन्स नवीन Zeiss T लेन्स कोटिंगसोबत येतील. त्याच्या मदतीने तुम्ही आता नॅचरल फोटो घेऊ शकाल. दरम्यान, Vivo X70 सिरीजची विक्री सुरू झाली आहे.
Vivo X70 Pro ची सुरुवातीची किंमत 46,990 रुपयांपासून सुरू होत आहे, ज्यामध्ये तुम्हाला 8 GB RAM आणि 128 GB स्टोरेज पर्याय मिळेल. तर 8 जीबी रॅम आणि 256 जीबी स्टोरेज व्हेरिएंटची किंमत 49,990 रुपये असेल. त्याचबरोबर 12 जीबी रॅम आणि 256 जीबी स्टोरेज व्हेरिएंटची किंमत 52,990 रुपये आहे. X70 प्रो ची विक्री गेल्या आठवड्यापासून सुरू झाली. Vivo X70 Pro + ची सुरुवातीची किंमत 79,900 रुपये आहे ज्यात तुम्हाला 12 GB RAM आणि 256 GB स्टोरेज पर्याय मिळेल. दरम्यान, या फोनचा सेल उशिराने सुरु करण्यात आला आहे. दसऱ्याच्या शुभ मुहूर्तावर हा फोन ऑनलाईन आणि ऑफलाईन प्लॅटफॉर्मवर खरेदीसाठी उपलब्ध झाला आहे.
0 टिप्पण्या