शिशु विकास मंदिरात कुमारिका पूजन उत्साहात !

शिशु विकास मंदिरात कुमारिका पूजन उत्साहात !

जळगाव: येथील शिक्षण प्रसारक मंडळाच्या शिशु विकास मंदिरात नवरात्रानिमित्त कुमारिका पूजन कार्यक्रम उत्साहात आणि भक्तीभावात संपन्न झाला. सौ.सु.ग.देवकर शाळेच्या मुख्याध्यापिका सौ. साधना महाजन आणि शिशु विकास मंदिराच्या मुख्याध्यापिका सौ.वृषाली दलाल यांची प्रमुख उपस्थिती होती. स्त्री शक्तीचा जागर करूया आणि मुलींचा सन्मान करूया हा बहुमोल संदेश देत सर्व शिक्षिकांनी कन्या पूजन केले.कार्यक्रमास महिला पालकांची देखील उपस्थिती लाभली. सु.ग.देवकर शाळेच्या शिक्षिकांनी सुद्धा कुमारीका पूजन केले. सौ.पद्मजाताई अत्रे तसेच समन्वयिका सौ.लताताई छापेकर यांनी नवरात्रीच्या सर्वांना शुभेच्छा दिल्या. कार्यक्रमास सर्व शिक्षिका आणि सेवकवर्गाचे सहकार्य लाभले.