चोपडा कलाशिक्षक संघाचा नवरात्र दुर्गोत्सवानिमित्त नाविन्यपूर्ण उपक्रम

चोपडा कलाशिक्षक संघाचा नवरात्र दुर्गोत्सवानिमित्त नाविन्यपूर्ण उपक्रम

चोपडा: प्रतिनिधी राकेश विसपूते- अखिल महाराष्ट्र राज्य शैक्षणिक कला शिक्षक संघ पुणे संलग्नित चोपडा कला शिक्षक संघाने "नवरात्र दुर्गोत्सव" निमित्ताने संपूर्ण चोपडा तालुक्यातील चित्रकला शिक्षकांसाठी एक आगळीवेगळी "फलक रेखन- लेखन स्पर्धा" आयोजित केलेली होती. या स्पर्धेत कलाशिक्षकांनी उस्फूर्तपणे सहभाग घेतला. स्पर्धेमध्ये प्रथम- आर. टी. सोनवणे (कलाशिक्षक सी. बी. निकुंभ माध्यमिक विद्यालय घोडगाव ) द्वितीय- व्ही. डी. पाटील (कलाशिक्षक महिला मंडळ माध्यमिक विद्यालय चोपडा) तृतीय- राकेश रा.विसपुते(कलाशिक्षक विवेकानंद विद्यालय चोपडा )यांची निवड करण्यात आली.

स्पर्धेला परीक्षक म्हणून प्रल्हाद सोनार (उपमुख्याध्यापक तथा कलाशिक्षक महात्मा ज्योतिबा फुले मल्टीटेक माध्यमिक विद्यालय शिरपूर जिल्हा धुळे) व चतुर्भुज शिंदे (कलाशिक्षक आदर्श हायस्कूल आडगाव ता.शहादा जि.नंदुरबार) यांनी कामकाज पाहिले. स्पर्धेच्या यशस्वीतेसाठी सुनील पाटील (अध्यक्ष कलाशिक्षक संघ चोपडा), अर्जुन कोळी (सचिव कलाशिक्षक संघ चोपडा) व कार्यकारणी पदाधिकारी यांनी परिश्रम घेतले. स्पर्धेसाठी प्राचार्य राजेंद्र महाजन, ए. पी. पाटील (सेवानिवृत्त कलाशिक्षक), दिनेश बाविस्कर (जिल्हा उपाध्यक्ष) व वसंत नागपुरे (जिल्हा उपाध्यक्ष) यांचे मोलाचे मार्गदर्शन लाभले.