शारदा इंग्लिश मेडीयम स्कूल आणि ज्युनिअर कॉलेज कजगांव, शारदा विद्यानिकेतन कजगांव या शाळेच्या शिरपेचात पुन्हा एकदा मानाचा तुरा

शारदा इंग्लिश मेडीयम स्कूल आणि ज्युनिअर कॉलेज कजगांव, शारदा विद्यानिकेतन कजगांव या शाळेच्या शिरपेचात पुन्हा एकदा मानाचा तुरा

विद्यार्थ्यांचा सर्वांगीण विकास व्हावा हेच ध्येय डोळ्यासमोर ठेवून वाटचाल करत असलेली स्वामी विवेकानंद बहुउद्देशीय संस्था हिंगोणे खुर्द संचलित, शारदा इंग्लिश मिडीयम स्कूल आणि ज्युनिअर कॉलेज, कजगाव व शारदा विद्यानिकेतन कजगांव (सेमी-इंग्रजी) या शाळेत नेहमी विविध परीक्षांचे आयोजन केले जाते. त्याचप्रमाणे या वर्षी इयत्ता सहावीच्या वर्गासाठीची जवाहर नवोदय ही परीक्षा आयोजित करण्यात आली होती, जरी शाळा या ऑनलाईन पद्धतीने सुरू होत्या तरी वेळोवेळी विद्यार्थ्यांना परीक्षांचे आयोजन व नियोजन हे कळविले जात होते. तसेच या नवोदय परीक्षेचे देखील विद्यार्थ्यांना कळविण्यात आले होते. विद्यार्थ्यांनी देखील मोठ्या उत्साहाने यात सहभाग घेतला होता. भारतातील काही विशेष, गुणी विद्यार्थांना या नवोदय विद्यालयांमध्ये शिकण्याची संधी मिळते! या नवोदय विद्यालयात शिक्षण मिळवण्यासाठी प्रत्येक वर्षी प्रत्येक जिल्ह्यातून 10000 विद्यार्थी नवोदय ची परीक्षा देतात ज्या परीक्षेत Top-80 विद्यार्थ्यांची निवड करून त्यांना 12वी पर्यंतचे शिक्षण मोफत दिले जाते. ज्याचा पूर्ण फायदा घेऊन विद्यार्थी देशाच्या विकासासाठी कार्यरत होतात. आनंदाची गोष्ट म्हणजे आपल्या शारदा इंग्लिश मेडीयम स्कूल आणि ज्युनिअर कॉलेज,कजगांव व शारदा विद्यानिकेतन कजगांव (सेमी-इंग्रजी) या शाळेतील वाडे आणि पासर्डी ता.भडगांव या खेडेगावातील सर्वसामान्य शेतकरी कुटुंबातील इयत्ता सहावीतील 1) चि.सोहम सूर्यकांत चौधरी 2) कु.समृद्धी सूर्यकांत चौधरी या दोघा जुळ्या भाऊ-बहिणीची आणि 3) चि.सुमेध रविंद्र निकम याची नवोदय विद्यालय भुसावळ येथे निवड झाली. त्याबद्दल शाळेकडून त्यांचे व त्यांच्या पालकांचे देखील हार्दिक अभिनंदन आणि खुप खुप शुभेच्छा. शाळेचे चेअरमन माननीय सुनील चव्हाण सर आणि शाळेचे सचिव नंदन चव्हाण सर तसेच शाळेचे मुख्याध्यापक निलेश मोरे सर आणि प्रदीप कुमावत सर व इतर विषय शिक्षकांचे देखिल मार्गदर्शन लाभले. सर्व परिसरातून त्यांचे कौतुक केले जात आहे.