जितेंद्र गुरव यांना राज्यस्तरीय गुणवंत शिक्षक गुरुगौरव पुरस्कार
राष्ट्रीय शिक्षक दिनानिमित्त मनुष्यबळ लोकसेवा अकादमी मुंबई यांच्या मार्फत यावर्षीचा राज्यस्तरीय गुणवंत शिक्षक गुरुगौरव पुरस्कार जितेंद्र शांताराम गुरव यांना जाहीर करण्यात आलेला आहे. जितेंद्र गुरव शासकीय माध्यमिक आश्रमशाळा पिंगळवाडे ता.अमळनेर येथे आदिवासी आश्रमशाळावर ज्ञानदानाचे कार्य करीत आहेत.त्यांचे अध्ययन अध्यापना सोबत आदीवासी बांधवांच्या न्याय हक्कासाठी लढा देणे त्याचबरोबर विविध सामाजीक उपक्रम राबविणे कोविड १९ संचारबंदीच्या काळातील आदीवासी पाडयांवर आरोग्य उपक्रम राबविणे असा सेवाभावी कार्याची दखल घेऊन त्यांना सदर पुरस्कार प्रदान करण्यात आलेला आहे.
सदर कार्यक्रम प्रसंगी राज्य शिक्षण संचालक,महाराष्ट्र राज्य परीक्षा परीषद पुणे आयुक्त,मनुष्यबळ विकास अध्यक्ष कृष्णाजी जगदाळे आदि मान्यवर उपस्थित होते.पुरस्कार आँनलाईन झुप अँपद्वारे दिमाखात सोहळा पार पडला.
