रविंद्र पाटील यांना आदर्श शिक्षक पुरस्कार जाहिर
अखिल भारतीय श्रीगुरुदेव सेवामंडळ कार्यालय गुरुकुंज आश्रम मोझरी महाराष्ट्र संचलित श्रीगुरुदेव सेवामंडळ यांच्यातर्फे शैक्षणिक क्षेत्रात उत्कृष्ट कामगिरी करणाऱ्या शिक्षकांना आदर्श शिक्षक पुरस्कार देऊन गौरवण्यात येते. यावर्षी हा पुरस्कार जि.प उच्चप्राथमिक शाळा पिंगळवाडे ता.अमळनेर जि.जळगाव येथे कार्यरत शिक्षक रविंद्र सुकदेव पाटील यांना जाहीर करण्यात आला आहे. रविंद्र पाटील सर यांनी कोरोना काळात विद्यार्थ्यांसाठी वेगवेगळे उपक्रम राबविले. विद्यार्थी शिक्षणापासून वंचित राहू नये यासाठी कोरोना नियमांचे पालन करुन गृहभेटी केल्या. त्यांच्या या यशाबद्दल अधिकारी वर्ग, मुख्याध्यापक दत्ता सोनवणे, शिक्षकवृंद, पालक व ग्रामस्थांनी अभिनंदन केले आहे.
0 टिप्पण्या