श्री स्वामी समर्थ ग्रुप जळगाव व मौलाना आझाद फाउंडेशन जळगावतर्फे दरवर्षी शिक्षण क्षेत्रात उत्कृष्ट कामगिरी करणाऱ्या शिक्षकांना आदर्श शिक्षक पुरस्कार देऊन गौरवण्यात येते. यावर्षीही पुरस्कार सोहळा दि. १२ सप्टेंबर २०२१ रोजी अहिंसा तीर्थ गोशाळा कुसुंबे, जळगाव येथे पार पडला. यावेळी भारत विद्यालय न्हावी ता.यावल या शाळेतील उपशिक्षिका सौ. अश्विनी योगेश कोळी यांना आदर्श शिक्षक २०२१ पुरस्काराने सन्मानित करण्यात आले. याप्रसंगी मंचावर चोपडा येथील आमदार सौ.लताताई सोनवणे, स्मिताताई वाघ, ज्योती पाटील, उपशिक्षणाधिकारी कल्पना पाटील, जळगाव महापौर जयश्री महाजन यांच्यासह श्री स्वामी समर्थ गृप व मौलाना आझाद फाऊंडेशन जळगावचे पदाधिकारी उपस्थित होते.
